Brazil-ah Hri vanga thi 90,000 chuang tawh

Brazil ramah hripui leng chuan zual lam a la pan zel a, Nilaini khan hri kai hmuh chhuah thar mi 70,000 dawn an awm leh a, hri kai hmuh chhuah tawh hi maktaduai 2.5 an chuang tawh. Hri vanga thi hi 90,000 an tling tawh bawk a ni. 

Brazil hi khawvela Covid-19 kai leh he hri vanga thi tamna ram pahnihna a ni mek a ni. Sao Paulo chu hri kai tamna ber state niin mi 5,14,197 in an kai tawh a, Ceara-ah mi 1,69,072 in kaiin, Rio de Janeiro-ah hri kai 1,61,647 an awm bawk. 

Ram chhungah hri lengin ziaawm lam la pan lo mah se, Brazil sorkar chuan Nilaini aṭang khan international air service a chhunzawm tir. March thla 

aṭang khan international flight-te hi hri leng vang hian tihtawp lailawk an lo ni tawh a ni. Ram dang khualzinte chu Brazil-a luh phalsak vek an ni dawn a, mahse an cham chhung atan health insurance erawh an neih vek a ngai a ni. 

Khawvelah hri kai vbc 1.68 awm tawh

Nimin thleng khan khawvel pumah Covid-19 kai hi 1,68,19,944 an awm tawh a, an zinga  6,62,081 in an thihpui tawh bawk. 

US chu hri kai tamna leh hri vanga thi tamna ber ram a ni chhunzawm zel a, an rama hri kai hmuh tawh hi mi maktaduai 4.3 chuang ni tawhin, mi 1,49,783  in an thihpui tawh a ni. 

US-a Covid-19 vanga thi hriat hmasak ber chu February 29 khan a ni a; ni 54 hnuah April 23 khan hripui vanga thi hi mi 50,000 an tling hman. May 27-ah thi zat hi nuai khat tling lehin, hemi aṭanga ni 63 hnuah mi 50,000 in an thihpui leh hman a ni.



Share this Post

Login to comment
No Comments