Cuba Communist Party first secretary atan Raul Castro thlang

Cuba rama rorellai, Communist Party first secretary atan President Raul Castro chu thlan nawn leh a ni.

Thawhlehnia party Congress neiha party hruai≠tu thlannaah hian palai 1,000 vel an awm a, an zingah hian Cuban Revolution hotu Fidel Castro pawh a tel. Fidel Castro hian kum 1965-a din a nih aṭangin PCC political organisation hi a kaihruai a, mahse kum 2006 khan a taksa hriselna ṭha tawk lo avangin a chawl a ni. Hemi hnu hian a nau, Raul Castro hian a thlak zui ta a ni.

Party Central Committee member atan mi 142 ruat thar a ni bawk a, member-te kum chawhrual hi kum 54.5 a ni a, kum 2011-a thlan chhuahte aiin an naupang zawk niin Raul chuan a sawi.

Party Congress-a kal palaite chuan an ram economic dinhmum siam-
ṭhatna tura kum nga chhung atana rua≠hmanna siamte an pawm bawk. Ruahmanna siam tharah hian private sector hawnna tur pawh a tel a, foreign direct investment tihna tur atana inkaihhruai≠na te, advanced technology kalpuina tur te, local go≠vernment bodies thuam chakna turte a tel.

Foreign Minister leh party congress delegate, Bruno Rodriquez chuan thla hmasaa US President Barack Obama'n an ram a tlawh chu Cuba history, culture leh symbol beihna anga a ngaih thu a sawi. Obama chu Cuba rama private sector-te tibuai tura kal niah a puh. President Obama'n Cuba a tlawh hi Cuba ram hruaitu leh media-te chuan a hnu lamah an sawi≠sel zui nasa hle a, Fidel Castro chaun Obama chu mipui≠te tihlawm tuma be ṭhaah puhin, Cuba ram mipui≠te hnena a thusawi tam takah thil dik lo hmuh a ni, a ti.

Cuba leh US inkar boruak hi hun rei tak chhung a chhiat hnuah kum 2014 khan an inlaichinna siamṭhat leh dan kawng zawngin palai pawh an intir tawn leh chauh a ni.