NE NSS Festival 2024 khâr a ni

April 2, 2024-a ṭan North East NSS Festival 2024 chu April 6, Inrinni khan Berawtlanga Cultural Centre-ah khâr a ni a, Sports & Youth Service secretary Lalramsanga Sailo-in a hmanpui.

NE NSS Festival khârna inkhawm hi Mizoram University-a NSS Cell programme coordinator Benjamin L Saitluanga'n a kaihruai a; khuallian leh state NSS officer F Sangvuana ten thu an sawi a, state hrang hranga NSS volunteer-te’n special item an nei.

North East NSS Festival-ah hian India hmarchhaka state pariat - Mizoram, Arunachal Pradesh, Assam, Manipur, Meghalaya, Nagaland, Sikkim leh Tripura aṭangin volunteer 280 leh programme officer 20 vel an tel a; Festival chhungin thupui hrang hrang hmanga inzirtirna hun te, cultural programme te, sightseeing leh social work huntge an hmang.

April 6, Inrinni zingah khan festival hmanna hmun Berawtlang tifaiin an hnatlang bawk.