Brazil president Jair Bolsonaro chuan Covid-19 a kai tih a puan hnuah, a damdawi atan hian malaria damdawi hydroxychloroquine a ei thu a sawi. 

Hydroxychloroquine hi a hmain coronavirus kaite enkawlna atana hman ni mah se, zirchianna neih a nih hnuah he damdawi hmanga hri kai enkawlna hian Covid-19 vanga thihna a tihtlem phah lo tih hriat a ni a, hei vang hian World Health Organisation (WHO) pawhin hri kaite enkawlna atana hman chu titawp turin thuchhuah a siam a, he damdawi hmang mek ramte pawhin an tihtawp thu an sawi hlawm a ni. 

Mahse Bolsonaro chuan hydroxy­chloroquine hmangin a inenkawl thu hi video a tihchhuahah a sawi a, a lo ei hma lo chu a inchhir zawk tih a sawi. 'Invenna atan hydroxychloroquine hi lo ei lawk ni ila chuan, tunah pawh hian hna ka la thawk thei reng zawk ang," a ti. President-in hydroxychloroquine a ei thu a sawi avang hian an ramah pawh he damdawi lei tuma zawng hi an tam phah  hle. Sao Paulo-a damdawi zuarte chuan hydroxychloroquine zawng hi an tam hle tih sawiin, a man pawh a san phah tih an sawi. 

Share this Post