Trump-an school fund tihtawp sakah a vau

US president Donald Trump chuan an ram chhunga school-te chu hri leng chhuanlama favang hun thlenga school an khar a nih chuan, sorkarin school fund a pekte tihtawp sakah a vau. 

President Trump chuan school hawn chu naupangte leh an chhungte tana thil pawimawh tak a ni tiin a sawi a, hetihlai hian Democrats lam chuan politics khelhna remchangah hman tumin khar chhunzawm tir zel an tum thung a ni, a ti.

US-ah hian dan pangngai chuan school hi August thla tawp lam emaw, September thla tir lamah emaw an hawng ṭan ṭhin. 

US danah chuan President hian sorkar laipuiin school te tana puihna sum a pek ṭhin chu a tihtawp  ngawt thei lo. Sorkar laipuiin school tana fund a pek hi a ṭhen azar chauh niin, a tam zawk chu state sorkarin an pek a ni thung. Mahse President hian school tana relief fund, education grants leh bailout-na tur pek chu a khuahkhirh sak thei thung a ni. 



Share this Post

Login to comment
No Comments