Congress-in manifesto an tlangzarh

Congress chuan Lok Sabha inthlan lo awm tur atan nimin khan an party manifesto an tlangzarh. Manifesto-ah hian India rama hna nei lo tam lutuk tireh tura hma an lak tur thu leh, caste census an neih tur thute an sawi.

Manifesto hi Congress president Mallikarjun Kharge-a'n Delhi-ah tlangzarhin, tlangzarhna hunah hian Sonia Gandhi, Rahul Gandhi leh P Chidambaram te an tel a ni. Congress party election manifesto committee hi P. Chidambaram-a kaihhruai niin manifesto hming hi Nyay Patra vuah a ni a, an manifesto pumpui chu rorelna dik tiha a inthlurbing thu a sawi a ni.

Congress-in manifesto an tlangzarh tak hi thupui hlawm hrang hrangah ṭhenin, rorelna dik bakah hian hlawm hnihna hi investment hmanga sum hai luh lam hawia duan a ni a, a hlawm thumna hi mipui hamṭhatna lam hawia duan a ni. Chidambaram chuan hamṭhatna an sawi chu sorkar lai mek anga mi hausate tana hamṭhatna ni ve loin, India rama mi rethei zawk anga ngaih, mihring zahvete an nih thu sawiin, an sorkar chuan mi vaibelchhe 23-te tana hamṭhatna siama, chawi kan an nih tur thu a sawi a ni.