Ciroc-in Diddy thlak nan 50 Cent hman tum lo

Vodka brand, Ciroc chuan an brand ambassador thar turin, Sean 'P.Diddy' Combs thlak nan 50 cent an thlang nia thuthang a awm hnuah, company chuan hei hi thu dik lo a nih thu a rawn sawi.

He thuthang hi 50 Cent team lam pawhin thu dik lo a nih thu an rawn sawi a, 50 Cent chu ama brand, Sire Spirits brand lam buaipuiim a hmanhlel hle zawk tih an tarlang. Diddy hian Ciroc brand neitu, Diageo company nena an thawh dunna hi nikum khan a lo titawp tawh a, company hi tequila brand DeLeon chungchanga marketing leh investment kalpui ṭha lo leh, racism avanga he brand hi ngaihthahah puhin a khing a, mahse, kumin January thlaah khan an buaina hi an chingfel tawh a ni.