US-a lei chimah mi 6 an thi

Baltimore city, US-a Francis Scott Key Bridge chu an ram huna Thawhlehni zanlai khan lawngin a sut hnuah a chim a, lei chimah hian mi paruk an thi nia hriat a ni.

Lei sutu lawng hi Dali tih a ni a, Indian crew vekin an enkawl a ni. Lawng hian a power hlohin, lei hi a su a, crew 22 hi an na lo a, mahse, lei siam hna thawktu mi parukte erawh chin hriat lohin an awm. Lawngin a sut lai hian leia pothole an siam mek a ni.

US Coast Guard Rear Admiral Shannon Gilreath chuan chin hriat loha awm mi parukte an zawn hun chhung leh tui temperature an ngaihtuahin, nung dama hmuh beiseina an awm lo niin a sawi. Hei vang hian hian tui chhung lama diver-te'n an zawn hna chu an titawp a, mahse, lawng hmangin patrolling erawh an la nei chhunzawm ang.

Dali lawng hi a chetsual ṭum khatna a ni lo a, kum 2016 khan Belgium port, Antwerp-ah lawng dang pakhat nen an lo insu tawh bawk a ni.