Japan-a human rights activist-te chuan Pathianni khan Tokyo-ah China president Xi Jinping laka lungawi lohna an lan tir a, an lungawi loh chhan hi Jinping chu hleihluak taka ro a rel vang niin an sawi. 

Tokyo-a lungawi lohna lantir zingah hian Japan mite bakah, India, Taiwan, leh Tibet mite pawh an tel a ni. Jinping chu tun hma 

aṭang tawhin ram zauh tuma hma a lak thu lungawi lote hian an tarlang a, a bikin Japan, Philippines, Vietnam, India leh Bhutan ramahte chuan ram lak belh tumin buaina  a siam reng a ni, an ti. A foreign policy pakhat 'Belt and Road Initiative (BRI)' project kaltlangin China chuan a ram tihzauh a tum niin an puh bawk. 

Lungawi lohna lan tirte hian Hong Kong-a pro-democracy youth activist-te chu China hian an aw chhuah thei loin a rapbet tih an tarlang. Kum 1950 hma lam kha chuan Tibet chu Buddhist ram nuam tak a ni a, mahse China chuan ram zauh a tumna lamah he ram hi a eiral tawh a ni, an ti. 

Taiwan ram pawh kawng hrang hrangin a tibuai a, heng vangte hian Taiwan health minister Chen Shih-chung chuan Covid-19 chungchanga World Health Organisation (WHO)-in meeting a kohna pawh a lo hnawl phah tawh a ni. 

Tunhnai lawka Galwan Valley-a China sipai chet dan chu lungawi lote hian an dem thu an tarlang a, India ram ṭhenkhat chu China hian neih tumin hma a la mek niin an sawi. Japan thliarkar an chuh buai thu te sawiin, kawng hrang hrangin Covid-19 hri leng karah a ramri zauh tumin hma a la tih an sawi. 

Hri leng buaipuia ram hrang hrangte an phet mek laiin China chuan he hri leng hi ramri zuahna hmanruaah hman a tum niin lungawi lote chuan an tarlang a, ram danga test kit an thawnte pawh a ṭhat loh thu ram hrang hrangten an sawi tih an tarlang bawk. 

Share this Post