Brazil President fiah tur a inringtawk

Brazil Presidnt Dilma Rousseff-i chuan parliament upper house-a ban a nihna tura ngaihtuahnaah amah thlawptu lam an chak dawn nia sawiin, a inrintawk thu a sawi.

President banna tur kalpuinaah hian Rouseff-i lam hi an chak a nih chuan, ṭangrual sorkar thar siam turin political party hrang hrangte nen inremna an siam dawn niin an sawi.

Pathianni-a House of Deputies-in a chungthu an ngaihtuah hunah, member hmun thuma ṭhena hmun hnihin ban tura rawtna hi an thlawp a nih chuan inrawlh a tum loh thu President Rousseff-i chuan a sawi. Hemirual hian member-te thutlukna siam dan azirin Supreme Court-ah ngaihtuah nawn leh tura ngenna a thehluh mai theih thu a sawi bawk.

Chamber of Deputies chuan vawiin aṭang hian President banna tur chungchang hi an sawiho dawn a, Pathianni-ah vote lak a ni ang. Ban a nih theih nan chuan member 513 zinga 342 in an thlawp a ngai dawn a ni.