Myanmar-ah magnitude 6.9-a nain lir a nghing

Myanmar ramah Nilani zan khan magnitude 6.9-a nain lir a nghing a, lirnghing hi India leh Bangladesh ram hmun ṭhenkhatah pawh hriat a ni.

Lir nghin ṭanna hi Myanmar khawpui, Naypyidaw hmarlam km 400 vela hla, Mandalay hmarthlang lam km 140 vela lei hnuai km 135-a thukah a ni tih US Geological Survey chuan a tarlang. Lirnghing vang hian chhiatna liantham thleng a awm hriat a ni lo.

Myanmar meteorological department official chuan lir nghin inṭanna hmun mipui bitna hmun a ni lo tih sawiin, hei vang hian chhiatna pawh a thleng nasa lo nia an ngaih thu a sawi bawk.