Dik lo taka vaccine zuartu mi 357 hrem dawn

China sorkar chuan dan loa hri danna, vaccine zawrh leh hralhnaa inhnamhnawih official 357 te a hrem dawn.

Thuneituten dan loa vaccine zawrh leh dah-khawl-te chu manin, health institution hnenah enfiah turin an thawn a, he thil thleng vang hian criminal case 192 ziahluh a ni tawh bawk. Sorkar chuan vaccine pekchhuah danah dan khirh zawk siam a tum thu a sawi.

China ramah hian kum 2011 aṭang khan dan loa vaccine hralh a ni ṭhin tih hriatchhuah a ni a, kum 2015 April thla khan nu pahnih chu vaccine tam tham tak an hralh avangin man an ni.

Mahse hemi chung-chang hi March thla khan sorkar chuan a puangzar chauh a, vaccine supply-tute hnenah dik lo taka thil ti ṭhinte man chhuah an nih theihna tura pui turin a ngen a ni.

China State Council chuan official 357 zinga 202 chu man an ni tawh tih a sawi a, midangte pawh hi man thuai an ni ang. Heng official-te hi an hna aṭanga ban an ni mai thei niin a tarlang bawk.