Houthi hel beihnaah 18 thi

Yemen sipaite chuan Nilaini khan Bayda province-ah Houthi helte an bei tih sorkar official chuan sawiin, he inbeihnaah hian hnehna chang mah se mi 18 an thi tih an puang.

Houthi helte hian Bayda hmarchhak lama Kaniyah area-a sorkar hmun an bei a, sipaite hian lo bei letin darkar eng emaw zat an inkah hnuah helte hi an tawlh kir ta a ni. Thi zinga 14 hi hel an nih laiin pali hi chu sipai an ni tih an sawi bawk.

Houthi-run al-Ma­sirah television erawh chuan Kaniyah-a sorkar hmun hi thlawhtheihna panga hmanga beih a nih thu an puang thung a, thuchiang erawh an puangzar lo a ni.

Yemen-ah hian kum 2014 aṭang khan tualchhung indona hi a thlesng reng a, Iran thlawp Houthi helte'n hmar lam khawpui eng emaw zat an thunun bakah, Saudi thlawp sorkar president Abd-Rabbu Mansour Hadi an ram khawpui Sanaa aṭanga an umchhuak aṭang khan inbeihna hi a thleng ngun hle a ni. 



Share this Post

Login to comment
No Comments