Mohammedan-in chak hmel an hmu ta

I League hmahruaitu Mohammedan SC chuan kuminah a vawi khat nan chak hmel an hmu a; February 13, Thawhlehni zan khan Rajasthan FC 5-1 in an sawp.

Kolkata club hian Real Kashmir an hneh loh hnuin Aizawl FC nen inhnehtawk mah se an mual Naihati Bankimanjali Stadium-ah champion zia an chhuah.

Mizo tlangval pali David Lalhlansanga, Lalremsanga Fanai, Zodingliana Ralte leh Vanlalzuidika Chhakchhuak ten inkhel bul an ṭan a, Kolkata club goal bawh a na nghal.

Lengpui tlangval Remsanga'n mual dinglam aṭanga a ball hmuh chu vawi khatnaah pet goal lo mah se a per chu chang lehin goal kilah tak a pet lut.

Mohammedan hi kawng engkimah an chungnung a, Honduran forward Eddie Hernandez-a'n hattrick siamin Rajasthan-in William Pauliankhum hmangin goal khat an khung ve bawk.