Vawiin aṭangin third Test

England leh India chuan Test match vawi nga khelh tura vawi thumna chu vawiin chawhma dar 9:30 aṭangin Rajkot-ah khelh a ni dawn.

India-in Virat Kohli leh KL Rahul te an la chhawr thei dawn lo a, chutihrualin Rohit Sharma hote hi mahni muala khel tur an nih avangin rinkai zawk an la ni tho.

England-in player khel tur 11 an thlang tawh a, ball vawm kawh chi player pahnih an khelhtir dawn. Mark Wood chu third Test khel tur zingah tel a ni a, off-spinner Shoaib Bashir a thlak dawn.

England captain Ben Stokes a inlan thei a nih chuan Test match vawi 100-na tur a ni dawn a, English cricketer zinga hetiang dinhmun thleng thei 16-na a ni ang.

Third Test - England XI: Zak Crawley, Ben Duckett, Ollie Pope, Joe Root, Jonny Bairstow, Ben Stokes (c), Ben Foakes (wk), Rehan Ahmed, Tom Hartley, Mark Wood, James Anderson.