Italy-ah mitthi vuina inkhawm buatsaih khap

Covid-19 hluarna leh thihpui tamna ber ram, Italy-ah nitin hri leng vanga thi an pung zel a, hri darh zel tur venna atan mitthi vuina inkhawm neih khap a ni. 

Italy rama hri vanga thi tam zawk hi damdawiina isolation ward-ah, an chhungte leh ṭhian­te pawh awmpui theih loha thi an ni. Health thuneitute chuan mitthi ruang aṭangin he hri hi kai theih ni lo mah se, an thawm­hnawah darkar eng emaw zat hri hi a la dam theih avangin an ruang hi tuamin lak bo nghal zel turin an ti an ni.

Chhungkaw tam takin an chhungte thi ruangte en dil mah se, khap a nih avangin an hmu thei lo a ni. An ram chhunga hri kai tamna,  Bergamo khuaah phei chuan inphum nan an thlanmual ramte an hmang zo tawh a, hmun danga phum tura ruang la tur hian sipaiten an puih hial an ngai a ni.



Share this Post

Login to comment
No Comments