Khawvel economy-in harsatna tawk dawn : OECD

Covid-19 avanga ram economy lama harsatna chuan ziaawm lam aiin punlun lam a pan zel avangin, Organisation for Economic Co-operation and Development (OECD) secretary general Angel Gurría chuan kum lo kal tur atan khawvel economy-in harsatna a tawh chhoh dawn thu a sawi.

Khawvela hri leng vang hian ram hrang hrangte chu ramdang nena insumdawn tawnnaah kawng an khar a, a hma angin sumdawnna a kal thei ta lo a, he hri leng hi mahni ramah a darh palh ang tih venthawn nan ram hrang hrangten an ramrite an kar bawk a ni.

Khawvelin kum 2008-a financial crisis a tawh aiin tuna he hri in khawvel economy a nghawng hi a nasat zawk thu Gurría chuan a sawi. He hri vang hian company-te an tla chhe mek a, hna chan tam tak an awm bawk. Economy lamah in tuai thar leh tur chuan hun a duh dawn tih Gurría chuan a sawi bawk.



Share this Post

Login to comment
No Comments