China-ah hri vei thar awm lo chhunzawm zel

China National Health Commission chuan Thawhṭanni khan an ram chhung aṭanga Covid-19 vei thar an awm lo chhunzawm zel tih sawiin, ni nga a zawnin hri kai thar an awm tawh lo tih a sawi. 

Hemi rual hian ram pawn aṭanga lut, mi 39-in he hri hi an kai tih finfiah a ni thung. Covid-19 len ṭanna, Hubei province-a Wuhan khuaah hri vang  hian mi pakua an thi bawk a ni. China ramah hian hri leng vangin mi 3,270 an thi tawh a ni. 

China ramah hian hri kai hmuhchhuah, mi 81,093 aṭangin mi 72,703 chu enkawl dam an ni tawh. Enkawl dam hi 89% dawn an tling. Damdawiin hrang hrangah hri kai enkawl mek hi 5,120 an la awm. 

Thla hnih chhung hri leng darh tur venna kawng­a khauh taka hma an lak hnuah, China ramah hian hri leng hian ziaawm lam a pan zel a, Hubei pro­vince bika inkalpawhna leh hnathawhna hmuna khuahkhirhna siam pawh thlahdul chhoh zel a ni. Hetih lai hian ram pawn aṭanga lutte chu khuah­khirhna khauh tak a siam thung a, dah hran zel an ni.



Share this Post

Login to comment
No Comments