World Health Organisation (WHO) emergency expert, Mike Ryan chuan ram hrang hrangten hri darh tur venna atana inkharkhip, lockdown an puang chu thil pawimawh tak a nih rualin, lockdown puan ringawt hi a tawk lo tih a sawi.
Mike Ryan chuan, "A pawimawh ber chu tunge dam lo, tunge hri kai tih zawn chhuah a, dah hran vat a ni. Heng miten inkungkaihna an neihpui te pawh dap chhuak a, dan hran nghal zel an ngai a ni," a ti.
Ryan chuan China, Singapore leh South Korea-in hri kai nia rinhlelh test nghal zel tura dan khauh tak an siam chu Europe ramte tan entawn a ṭha hle tih a sawi. Hri darh tur hi kan khuahkhirh theih hunah, a hri taka hi kan bei let tak tak thei dawn a ni, tiin a sawi.
Covid-19 vanga thihna thlen tamna ber ram, Italy-ah chuan Pathianni khan he hri vang hian mi 651 an thih belh leh a, heng mite nen hian hri vanga thi hi Italy ram bikah mi 5,476 an tling tawh. Hri kai finfiah tawh hi mi 60,000 dawn an tling tawh bawk.
Worlddometer Covid-19 record
Hri kai zat - 349,980
Thihpui zat - 15,306
Enkawl dam - 100,345
Login to comment
No Comments