Nikum khan United Nations Security Council chu vawi 258 an ṭhukhawm a, resolution 52 an pawm bakah presidential statement 15 tihchhuah a ni tih 'Security Council Practice 2019'-ah tarlan a ni.

United Nations (UN) peng paruk zinga pawimawh ber ang hiala ngaih, UN Security Council hian khawvela muanna leh inremna a awm theihna turin hna a thawk ber ṭhin. Nikum khan khawvel ti ral khel fo ṭhin tu firfiakte chetna do kawnga hmalakna tur leh a ruka firfiakte sum leh paia ṭanpui a nih ṭhin tihtawp a nih theih nan "Resolution 2462 (2019)" council chuan a pawm a, hemi bakah hian firfiakte'n lei hauhsakna hmanga sumdawnna a ruk a rala an kalpui fo ṭhinna chu council hian tihtawp a nih theih nan "Resolution 2482 (2019)" a pawm bawk.

Indona avanga chin hriat loa bo awm ṭhin tihziaawm a nih theih nan "Resolution 2474 (2019)" an pawm bakah indo laia civil mite an him zawk nan "Resolution 2475 (2019)" an pawm bawk a ni. Nikum chhung khan UN Security Council hian high level meeting vawi 18 a nei a, Africa rama high level meeting an neihah chuan kumina civil mite'n silai an lek tlem theihna turin thu an pass a ni. 

Resolution 52 zinga 42 leh presidential statement 15 zinga 11-te chu ram leh ram inkara buaina kaihhnawih thil a ni tlangpui. Resolution an pawm zinga 64.2% leh presidential statement 34% hi Africa ram kaihhnawih a ni. Middle East kaihhnawih resoution 18.9%, Asia, America leh Europe kaihhnawih resolution 5.7% ṭheuh a awm bawk. 

Share this Post