
South Africa an insiam ṭha thei ang em?

Kumin Cricket World Cup-a team hmuhnawm ber zinga mi South Africa-in inelna thlengtu India laka an mualpho hnuah vawiin chawhnu dar 2:00 hian Narendra Modi Stadium, Ahmedabad-ah Afghanistan an hmachhawn dawn.
Proteas hian semifinal an lut chiang tawh a; Australia nen November 16, Ningani hian Eden Gardens-ah an inhmachhawn dawn. Temba Bavuma hoten tan tun ṭuma Afghanistan nena an inkhel tur hi inpuahchahna ṭha a ni dawn a, group match hnuhnung berah hian Quinton de Kock ringawt an innghat lo tih lantir an duh ang.
Afghanistan tan erawh semifinal luh theihna kawng a la inhawng a, hei vang hian chak ngei an mamawh. Chutihrualin Afghanistan hian Australia laka a tlawm avangin an kutah a innghat tawh lo a, nizana New Zealand an chak a nih ngat phei chuan semifinal luh aiin sanghawngsei, hriau benga luh tlang a awl zawk hial ang.