Australia ram kang vanga nungcha thi leh hliam chu tluklehdingawn khat an tling tawh tih University of Sydney-a science faculty Prof Chris Dickman chuan a sawi.

Nungcha lama mithiam Prof Chris Dickman chuan Australia ram hi kum 10 chhung khan biodiversity lamah an tlakhniam thu sawi langin, an ram chu 'Mammal' kan tih ho mangna (extinct) rate sanna ber a nih thu a sawi bawk.

Australia prime minister Scott Morrison chuan khawvel sik leh sa inthlak chho mek vanga ram kang hi inṭan a ni tih sawiin, an ramah khawlum nasa taka a zual bakah khaw ro vanga an rama thingkungte a kan nasat thu a sawi. 

Mi thiamte chuan sik leh sa inthlak vanga boruaka 'greenhouse gas' tam lutuk chu ram kan chhan lian tak a nih thu sawiin, heng boruaka gas-te hian boruak lum lutuk chhuahna tur an dal tih an sawi a ni. 

Share this Post