Met Gala 2024 Theme atan ‘Sleeping Beauties: Reawakening Fashion’

Star lar rual pun khawmna, mit titlai tak Met Gala neih leh hun tur chu nakkum May thla daih ni mah se, Nilaini khan 2024 theme tur hi an puang.

Vogue chuan Met Gala 2024 theme atan 'Sleeping Beauties: Reawakening Fashion' tih thlan a nih thu a puang a, zone pathum - land, sea leh sky te a awm ang.

Met Gala hi Metropolitan Museum of Art puala kum tina charity fundraising event an neih ṭhin niin, khawvel hmun hrang hrang aṭangin designer leh celebrity-te an fuan khawm nasa ṭhin hle. Kum tin May thla Thawhṭanni hmasa berah neih a ni ṭhin. Exhibition hi May 10 - September 2 thleng mipuite tan hawn a ni dawn a, he hunah hian Costume Institute collection item 250 bakah, historical piece dangdai tak tak 50 pho chhuah a ni ang. Met Gala guest list hi a hma ni bakah puanzar a ni ngai lo a, hei vang hian red carpet-ah tunge rawn inlan dawn tih chu mipuite'n an ngaihvenin an nghakhlel thei hle.