CMA Awards 2023: Lainey Wilson a che ṭha ber

57th Annual Country Music Association (CMA) Awards chu Nilaini zan khan Nashville, Tennessee-a Bridgestone Arena-ah sem a ni a, Lainey Wilson chu che ṭha berin nomination pakua a hmuhna aṭangn award panga a la.

Kum 31 mi, Wilson hian award ngaihhlut, Entertainer of the Year leh Album of the Year a dawng a, Female Vocalist of the Year atan thlan a ni bawk. Male Vocalist of the Year title chu Chris Stapleton hnenah hlan a ni.

Jelly Roll chuan Zach Bryan, Parker McCollum, Megan Moroney leh Hailey Whitters khumin, New Artist of the Year award a dawng. Luke Combs chuan Single of the Year a dawng a, Trachy Chapman chuan a hla 'Fast Car' hmangin Song of the Year a dawng bawk. Jenee Fleenor chu Musician of the Year atan thlan a ni.

2023 CYMA Awards hi Luke Bryan leh Peyton Manning-te'n an host a, artist perform zingah Jelly Roll, Wynonna Judd, Luke Bryan, Morgan Wallen, Eric Church, Luke Combs, Dan + Shay leh Kelsea Ballerini-te pawh an tel. Jimmy Buffet tribute performance neih a ni bawk.