Angelina Jolie chungah a pa a lawm lo

Hollywood actor, Angelina Jolie chuan Israel-Hamas indona thleng mek chungchang a Instagram-a a post-ah, Israel-in Gaza Strip an beihna thlalak dahin, Gaza chu kum sawmhnih dawn tan in zaupui niin, thlanmual lian takah a chang mek tih a sawi.

Mahse Jolie thu sawi danah a pa, Jon Voigh a lawm lo hle thung a, a X-account-ah video post ve lehin, a fanuin Palestinian lam a ṭan chuan a tilawm lo hle tih a sawi. Jon Voigh chuan a video title-ah 'Truth and lies' tih rawn hmangin, a fanu thil sawi danah a lawm lo hle a, Pathian thu a hrethiam pha lo a ni, a ti. "He thil hi ram thianghlim, Juda-te ram tihchhiat a nih chungchang zawk a ni. Ram thianghlima cheng, Pathian fate laka dik lo taka chetna a ni a, Israel sipaite chuan an ram leh an mite an venhim a ngai. Israel chu firfiaka chetna hmangin beih a ni a, pawisawi lo naupang, nu, pa leh pi leh pute thah an ni," tiin Israel lam a rawn ṭan hle thung. Hamas-te chuan Israel ni loin amahni an intichhe zawk tih a sawi zui bawk.