Donald Trump-a'n Muslim luh khapna siam tiam leh

US president hlui, Donald Trump chuan nakkuma US President thlanna neih turah thlan tlin a nih leh chuan, US-a Muslim ram aṭanga luh khapna dan siam leh a tiam.

Donald Trump hian President a nih lai, kum 2017 khan Muslim ram - Iran, Libya, Somali, Syria, Yemen, Iraq leh Sudan aṭanga US lut turte tan khuahkhirhna khauh tak a lo siam tawh a ni. Mahse he dan hi kum 2021-a US President atana lak luh, Joe Biden khan lak luh a nih aṭanga kar khatah a sut leh nghal.

Kar liam ta Inrinnia Republican Jewish Convention-a thu a sawinaah Trump chuan,"Islamic firfiakte chu kan ramah an rawn lut lo ang," a ti.