Fit takin 2018 MLA inthlan Kan hmachhawn ang - Zorama

MNF president Zoramthanga chuan nimin khan Mizo Hnam Runah thu sawiin, "Kum 2018 general election lo awm turah MNF chuan fit takin inthlan kan hmachhawn theih ka ring," a ti.

Zoramthanga chuan kum 2018 inthlanah hian MNF leh Congress chu inmal thlur ber tur nia a lan thu sawiin, "Mipuiin Congress an nin tawh em avangin inthlan lehah chuan MNF a sorkar leh ngei mipuiin an ring a ni," a ti a, Mizo nationalism a ṭhanlen zel theih nan zirlai pawlte pawhin theihtawp an chhuah mek thu a sawi.

Congress party chu duh hun huna chal hnawih sen a, ban sawm nei hmaa puja a, Delhi buhfai ei ṭheuh ṭheuh tia in awi lungleng ṭhin an nih thu sawiin MNF President chuan, "Kawrnghawng chip nen Singh-a te duhdan dana awm mai ṭhinte hian an sawi awm tak an sawi ṭhin a, an tih awm tak an ti ṭhin a ni," a ti.

Inkhawmah hian MNF President hian Supply department jt. director (Rtd) Vanlalhlena an party-ah a lawm lut.