Croatia defence minister Damir Krsticevic leh Germany defence minister Annegret Kramp-Karrenbauer-te chuan Pathianni khan nakkum North Atlantic Treaty Organization (NATO) meeting inthlen ṭawm an remtih thu an sawi.

Nakkum EU-NATO mee­ting hi European defence minister-te chuan June 8-9-ah an nei dawn a, hei hi Croatia-in European Union presidency an chan lai a ni dawn bawk.

Damir Krsticevic chuan Germany chu Europe-a securi­ty leh defence lama an thawhpui pawimawh ber zinga mi a ni tih sawiin, Croatia chuan Germany nena an thawhdunna chu tihchak zel a tum tih a sawi.

Annegret Kramp-Ka­rrenbauer pawhin Europe ramte NATO-a an thawhho zel chu pawimawh a tih thu a sawi ve bawk. 

European Union Council-ah hian Croatia chuan thla ruk chhung, January 1 aṭang hian president dinhmun a chelh dawn a, July 1 aṭangin Germany hian a chang ve thung ang. 

Share this Post