Goa leh Tamil Nadu te'n point an insem

Inrinni khan SEC Railway Stadium-ah Goa leh Tamil Nadu-te goal awm loin an inhnehtawk a, nikum finalist Punjab-in Assam 2-0 in an hneh bawk. 70th Santosh Trophy National football championship Group B result a ngaihnawm chho a, Goa, Tamil Nadu, Punjab leh West Bengal-te'n semifinal lut turin beisei sang tak an nei vek.

Point sarih hmua hma-hruaitu Goa-in vawiin tlai hian Punjab an hmachhawn dawn a, an chak chuan semifinal an lut chiang ang a, an chak loh erawh chuan tla thei an la ni thung. Goa hian an match hnuhnung bera Tamil Nadu an draw ṭumin a bet zawkah an ṭang a, an point khat hlawh chhuah erawh a ṭangkai zui zel a rinawm.

Vawiin tlai vek hian West Bengal leh Tamil Nadu an inkhel dawn a, final tluk zeta pawimawh a ni. Champion ngun ber West Bengal hian an match hnuhnung berah chak la nei lo Assam an hmachhawn dawn avangin Tamil Nadu an hneh chuan a sang pali zing^-ah an inhlangkai thei ang.