Salgaocar leh Mumbai inhnehtawk

I League-ah club tinte dinhmun a chiang lo tual tual. Inrinni tlai khan Salgaocar leh Mumbai FC-te chu goal hnih ve ve khungin an inhnehtawk a, season thara I League khel zel turin team pahnih din-hmun a la him lo ve ve.

Tilak Maidan Stadium, Goa-a inkhelah mualneitu team-in inkhel an thunun zawk a, Jackichand Singh leh Brian Mascarenhas-te hmangin vawi hnih lai hma hruai mah se Ma-harashtra club hian penalty vawi hnih hlawh chhuakin Sushil Singh leh Ryuki Kozawa-te'n hmangin an siphurh an sut.

March 12-a East Ben-gal mikhual tur Aizawl FC tan Salgaocar leh Mumbai inhnehtawk hi chanchin lawmawm a ni. Goan club Salgaocar-in vawi 11 khelhah point kua chiah neiin pariatna dinhmun an luah a, khelh khata khel tlem zawk chungin Mizo club Aizawl FC nen an point hmuh zat a in ang.

I League-ah hian goal difference aiin head to head ngaih pawimawh a ni a, Salgaocar leh Ai-zawl FC te hi Goa-a an in-tawn hmasak ṭumin an inhnehtawk a, April 11 hian Mizoramah a vawi hnih nan an intawng leh ang.

Mumbai FC-in vawi 11 khelhah point 12 hmuin table-ah panga^-naah awm mah se an la him bik lo. Aizawl FC-in tun kar tawpa East Bengal an hmachhawn hunah hnehna an chan chuan Mumbai FC nen an point hmuh zat a in ang thei ang.