Saudi Arabia-in Pakistan hnena loan pek titawp
Saudi Arabia chuan Pakistan ram hnena loan a pek leh, oil a supply chu a titawp a, hei vang hian ram pahnihte inṭhianṭhatna pawh a tawp nia sawi a ni.
Pakistan chu kum 2018 November thlaa Saudia Arabia-in USD tluklehdingawn 6.2 a pek aṭangin USD tld khat chu pe kir tura tih a ni. He package-ah hian loan USD tld 3 leh oil supply-na USD tld 3.2 a tel a ni. He inremna hi Crown Prince Muhammed Bin Salman-an nikum February thlaa Pakistan a tlawh ṭum khan an ziak fel a ni.
Mahse Kashmir chungchanga India leh Pakistan inep chung changah Saudi Arabia chu Pakistan ṭan zawng leh, India dodal zawnga a awm loh avangin Pakistan foreign minister Shah Mehmood Qureshi chuan Saudi kaihhruai Organisation of Islamic Cooperation (OIC) chu a vau a, hemi hnu hian ram pahnihte inkar boruak hi a chhe chho ta a ni.