Scientist-ten global climate emergency puang

Khawvel ram hrang 153-a scientist 11,258 chuan global climate emergency puangin, khawvel sik leh sa danglam chak zel veng tura hmalak thuai a nih loh chuan tawrhna nasa tak a la thleng ngei dawn a ni, an ti. 

Scientist 11,258-ten hming an sign hnanna, khawvel sik leh sa inthlak danglam chungchang, kum 40 chuang zet zirchianna neih behchhana an sawi hi BioScience-ah tihchhuah a ni. He zirchianna hi energy hman zat, temperature, mihring pun dan, ram leh ramngaw tihchereu dan, vur tlang awmdan te, gross domestic product leh carbon gas tihchhuah dan aṭang tein neih a ni. 

US-a Oregon State University (OSU) College of Forestry professor, William J Ripple chuan kum 40 chuang climate change chungchangah ram hrang hrangte chuan inbiakna nei ṭhin mah se, kaldan an tidanglam chuang lo a, he harsatna awm hi an ngaihtuah tak tak lo a ni, a ti. Scientist tam tak rin phak bakin sik leh sa inthlak danglamna hi a thleng chak a ni, a ti.



Share this Post

Login to comment
No Comments