PBK Liankhuma'n album a buatsaih hla thar a chhuak

Mizo gospel singer lar PBK Liankhuma chuan album a buatsaih mek a, tun aṭanga rei vak loah hian a album thar hi kan hmuh thuai a rinawm. Album a buatsaih mek lai hian PBKA hian music video mal a rawn tichhuak a, a video tihchhuah hi 'Pangpar angin' tih hla a ni.

'Pangpar angin' tih hla hi HT Sangliana hla a ni a, he hla hi a album buatsaih meka mi tur a ni a, hla 13 a awm ang. He album, a buatsaih meka hla awm zawng zawngte hi HT Sangliana phuah vek an ni. 'Pangpar angin' tih hla Milestone Picture leh BKL Visual Production tena an buaipui a ni. Zonun Recording-ah a record a, YouTube-ah dah chhuah tawh a ni.

PBKA hian Lai hla music video album pahnih a siam tawhte nen album pali a ti­chhuak tawh. Kum 2006 khan 'Kawng zim zawh (Awma ka ta)' album a tichhuak a, a hlawhtlinpui a, he album avang hian Zoramin kan hriat lar phah hle. Kum 2008 khan 'Ram ka nei' tih hla a tichhuak leh a, tuna album a tihchhuah tur hi 'Dr. HT Sang­liana hlate' tih a ni a, Mizo ṭawng album pathumna tur a ni.

Kum 2012 khan Lai gospel album a tichhuak a, kum 2014 khan Lai ṭawng bawkin gospel album a tichhuak leh bawk.