Canada inthlanpui: Justin Trudeau-a party chak leh

Canada inthlanpui boruak sang tak karah Justin Trudeau kaihhruai Liberal Party-te chu a term hnihna atan an chak leh a, majority erawh an nei pha lo.

Liberal Party-te hian seat 157 lain, sorkarna siam turin seat 13 an mamawh belh a, party dang an thawhpui a ngai dawn a ni.

Hetihlai hian eptu pawl lian ber Conser­vatives-te chuan seat 121 an la ve thung. New Democratic Party (NDP)-te chuan seat 24 an la a, Bloc Quebecois-te chuan seat 32 an la ve bawk.

NDP emaw Bloc Que­becois emaw hian Liberal hi an thawhpui rin a ni a, anni lam hian hemi chungchangah hian engmah an la sawichiang lo thung.

Justin Trudeau hian nimin khan Montreal-a an party thlawptute chu a lawmpui thu a sawi tawh bawk.

Trudeau party hian 2015 khan seat 184 zet la mah se kuminah erawh majority an nei pha tawh lo a, seat 338 awmna Cana­da parliament-ah hian thawhpui tur an zawn a ṭul dawn ta a ni. Nikum lam khan kawng hrang hranga puh mualphona tawk mah se seat la tam ber an la ni tho.

Canada parliament-ah hian majority, seat 170 chin hmu chuan sorkarna awlsam takin an siam thei a, mahse tunah erawh ṭangrual sorkar an neih a ngai ve tawh thung ang.

US president Donald Trump pawhin a twitter lamah Trudeau a lawmpui thu hi a ziak nghal a, ṭang­rual sorkar siam zen zen lohna Canada-ah chuan ṭangrual sorkar siam a ngai dawn ta a ni. 



Share this Post

Login to comment
No Comments