Lionel Messi-a'n training a zawm lo

Lionel Messi chuan Thawhṭanni khan Barce-lona training a zawm lo a, a kal (kidney) a lungte awm endik a nih vangin training hi a zawm thei lo.

Argentina international hi nikum December thla khan a kal na vang hian FIFA Club World Cup semifinal-ah pawh a lo inlan thei lo tawh a, mah se a hnu ni thum lekah final khelin goal a khung nghe nghe.

Mahse, Barca thiam-puipa hian kumin (2016) bikah a club tan La Liga match zawng zawng a la khel kim vek thei a, amah-erawhchu Leo hrisel-na hi endik a ngai thung a ni.

Catalan club chuan an player duhlai chung-changah thuchhuah siamin, "Barcelona pla-yer Lionel Messi chuan Thawhṭanni leh Thawh-lehni khan nikum Decem-ber thlaa a lo tawrh tawh a kal (kidney) na test hrang hrang a nei a, Nilaini
aṭang chuan team training pangngai a zawm leh theih tawh beisei a ni," an ti.

Kum 28-a upa Messi hian tun season-ah Barca tan league match 17 a khelh tawh aṭangin goal 12 a khung tawh a, Real Madrid leh AtleticoMadrid te chungah awmin table-ah hmahruaitu an ni mek.

Barcelona hian Copa del Rey semifinal first leg-ah Valencia chu 7-0 in an sawp tawh a, final lut tawh tluk an ni. Champions League lamah pawh an title humhim turin kawng dik an la zawh mek a, last 16-ah Arsenal an hmachhawn dawn bawk a ni.