UNSC-in NKorea hrekna thar siam tum

United Nations Security Council chuan North Korea ram chu Pathianni-a long range rocket a kahchhuah avangin a dem thu leh, hrekna thar siam thuai a nih tur thu a sawi.

North Korea hian tunhnaiah UNSC-in an ram a hrekna palzutin hydrogen bomb a lo enchhin tawh a, nasa taka dem leh sawisel a nih hnuah Pathianni khan rocket hi a kapchhuak leh a ni.

Ram hrang hrangten NKorea thiltih an dem thu an sawi mek laiin, nimin khan NKorea patrol boat chu Socheong thliarkar bula South Korea ram chinah a lut niin South Korea Defence Ministry chuan a sawi. SKorea lam hian warning pe a silai an lo hmehpuah avangin NKorea lawng hi a kir leh nghal niin an sawi bawk.

NKorea-in rocket a kahchhuah avang hian Pathianni vek khan UNSC chuan emergency meeting a ko nghal a, NKorea ram hrekna siam mek chuan nuclear ralthuam a siamna kawngah a dang zo lo nia sawiin, hrekna na zawk siam an rawt.