Haiti President a bang

Haiti President Michel Martelly chu a term a tawp tak avangin president a nihna aṭangin a bang a, mahse a thlaktu tur hi thlan a la ni lo.

Pathianni khan an ram khawpui, Port-au-Prince a Parliament inkhawmah President thlahna hun hi hman a ni a, Martelly chuan thu sawiin January thlaa President thlan hun tura ruahman sawn hlat a ngai chu pawi a tih thu a sawi.

Haiti President thar tur thlanna thawh khatnaa tling tura vote hmuh ngai zat hmu pha an awm loh vangin candidate zinga vote hmu sang pahnih, Jovenel Moise leh eptu pawl candidate Jude Celestin-te chuan inthlan thawh hnihna an hmachhawn leh a ngai a ni. President thlanna neih takah hian election lam thuneitute chu thil dik tawk lo tia puhin eptuten nawrh an huaihawt chhunzawm reng avangin inthlan thawh hnihna neih tur pawh hi sawn hlat zel a ni a, April 24 hian inthlan hi buatsaih tum a ni.