EAM S. Jaishankar-a'n Vietnam a tlawh

External affairs minister (EAM), S. Jaishankar chuan South East Asia ram pahnih a tlawh tur zinga a hmasa zawk atan nimin khan Vietnam a thleng a, Vietnam-ah hian ni li a cham ang.

Vitenam a cham chhungin Jaishankhar hian India-Vietnam Joint Commission vawi 18-na chu Vietnam Foreign Minister, Bui Thanh Son nen an chair-dun dawn a ni. Vietnam bakah hian Singapore pawh ni hnih chamin a tlawh leh ang. Jaishankar hian heng ram pahnihte leh India inkara inṭhian ṭhatna thuk zawk leh inremna mumal zawk neih tumin ram hruaitute a kawm dawn a ni.

Vietnam-ah hian Bui Thanh Son chuan Hanoi-a Buddhist temple hlui ber, Tan Quoc Pagoda-ah a lo hmuak a, Jaishankar chuan helai hmun a tlawh chu India leh Vietnam inzawmna entirtu a nih thu sawiin, he hmuna Bodhi thingkung chu 1959-a India president, Rajendra Prasad-a'n President Ho Chi Minh a pek a nih thu X-ah a tarlang.

Jaishankar hian Vietnam ram hruaitute nen ram pahnih insumdawn tawnna te, science leh technology lama thawhhona chungchangte a sawipui dawn. Meeting a neihpui zawhah hian Vietnam-a India mi awmte nen inkawmna hun a hman dawn bakah, Ho Chi Minh khawpuia Mahatma Gandhi lim a hawng dawn bawk a ni. Vietnam aṭang hian October 19-ah Singapore a pan leh ang.