Minister-in SHG Mart a hawng

Rural Development minister Lalruatkima’n nimin khan Mizoram State Rural Livelihoods Mission (MzSRLM)-in self help group-te tana SHG Mart an buatsaih a hawng. Mart hi IPR Lianchhiari Rûn chhâwng hnuai berah siam a ni.

Lalruatkima chuan, MzSRLM-in thingtlang mite dinhmun chawikàn nana eizawnna lama hma a laknate chuan rah ṭha duhawm tak a chhuah mek thu sawiin, "Mizoram kan ei leh bar dinhmun leh kut hnathawktute leh kut themthiamte sum lak luh a tipung... Hei hian nasa takin anmahniah chona siamin ngaihtuah thar a pe a, tumruhna leh taimâknate tuhin an hlawhtling ta a ni," a ti.

Sorkar thuchhuah tarlan danin, Mizoramah self help group 10,708 awm mekin, member mi 84,169 an awm a; SHG khaikhawmtu village organization 735 leh cluster federation 52 a awm mek bawk.