Ka chawl maithei - Tyson Fury

World heavyweight champion Tyson Fury chuan boxing ring chhungah a inlan leh dawn nge a infiamna ngainat hi a chawlhsan tawh zawk dawn tih a la sawi chiang thei lo.

WBA, IBF leh WBO title kawl khawm vek tu Fury hian nikum November tha khan Wladimir Klitschko a hneh a, Ukrainian nen hian May thla emaw June thlaah emaw an inhnek leh dawn nia sawi a awm.

Kum 27-a upa Fury chuan, "Boxing khawvelah chuan ka duhthusam leh suangtuahna te ka ti hlawhtling tawh a, tlawm ni hmel hmu miah lo hian ka duh chuan inhnek hi ka chawlh san thei tawh a ni," a ti.

Britain boxer Fury chuan sawi chhun-zawmin,"Ka inhnek leh a nih chuan sum um vangah mi ṭhenkhat chuan min ngai tawh mai thei a, mahse boxing hi sum vanga khel ka ni lo tih hi ka sawi chiang duh. Ka inhnek leh ang em tihah pawh thutlukna ka la siam thei lo," tiin a sawi.

Vawi 25 inhnek a hmachhawn aṭangin vawi khat mah tlawm a nei lo a, hnehna a chang fai vek a ni.

Sawmna a hnar

Fury chuan Dubai leh Qatar aṭangin Klitschko nena inhnek leh tura sawmna chu a hnar thu a sawi.

He sawmna hi a dangdai hle a, TV, Radio bakah internet kal tlanga tih chhuah miah loh tur a ni anga, entu tawp boxer pahnihte team bakah mi 120 chiah an ni ang.

Mahse, inhnek ta nise an inhnek en man hi mi pakhat tan £683,000 (Rs 67,787,734.71) a ni thung dawn a ni. Middle East aṭanga sawmna duhawm leh dangdai tak hi Fury chuan a lo hnar a ni.