Alex Teixeira-a'n China lam a pan

Chinese Super League-i'n football khawvel an barakhaih leh ta - Liver-pool-in an dawr hlawh-chham Shakhtar Donetsk midfielder Alex Teixeira chuan Jiangsu Suning chu pound makta-duai 38.4-in a zawm.

Jiangsu Suning hian pound maktaduai 25-in Chelsea aṭangin midfiel-der Ramires an lo la lut tawh a, Teixeira an lakluh leh tak avangin Chinese club hian ngaihven an hlawh sawt hle.

January transfer-ah Chinese Super League-in record vawi thum an siam tawh. Ramires-a'n Jiangsu a zawm khan Asian football-a player man to ber a ni a, a hnu rei lo teah pound maktaduai 31-a Guangzhou Evergrande zawmtu Jackson Martinez-a'n record thar siam ve lehin tunah chuan pound maktaduai 38.4 man Teixeira hi Asian football-a player man to ber a ni ta.

Tun season-a league match 15-a inlana goal 22 khungtu Alex Teixeira hi Liverpool chuan pound maktaduai 27 bawr vela lakluh tumin an lo dawr tawh a, nipui bazar-ah dawr nawn an tum nia sawi ni mah se China lam a pan ta a ni.