Schumacher dinhmun a ṭha lo - Montezemolo

Formula 1 driver ropui Michael Schumacher hriselna dinhmun chu a duhawm loh thu Ferrari chairman hlui Luca di Montezemolo-a'n a sawi.

World champion vawi sarih lo ni tawh Schumacher hi December 2013-a France rama vur tleng naah che sualin a luah hliam na tak a tuar a, tun thlengin a la ṭha chhuak thei lo a ni.

Nikum Noivember thla khan Federation Internationale de l'Au-tomobile (FIA) president Jean Todt chuan German driver ropui hian a dam leh theih nan theih tawp a chhuah thu a lo sawi tawh bawk.

Kum 68-a upa Mon-tezemolo chuan, "Schumacher chung-changah thuthar ka nei a, mahse a lawmawm loh lam a ni. A dinhmun a ṭha rih lo a, atan chuan dam hi thlakhlelh hngaihna a awm rih lo," a ti.

Driver ropui dinhmun hi sawi chiang fak duh lo mah se ṭhat lai aiin hniam lam a pan zel zawkah a ngaih theih.

Schumacher leh Di Montezemolo te hi kum 2000 aṭanga 2004 chhung khan Ferrari tan an lo thawk dun tawh a, vawi nga ngawt world champion dinhmun an luah a ni.