Ziak leh chhiar thiam lo mi 2101 an awm

14th January, 2016

Kolasib District Education Officer (DEO) chuan nimin khan 'Illiteracy Survey 2015 Kolasib District' an buatsaih chu Kolasib DC hnenah a hlan. Survey-a a lan danin, Kolasib district chhungah ziak leh chhiar thiam lo mi 21,01 an awm.

Survey-ah hian an hming leh an chenna khuate chhinchhiah vek a ni a, Kawnpui Education Block-ah puitling ziak leh chhiar thiam lo mi 423 (mipa 153 leh hmeichhia 270) awm-in, Kolasib Education Block-ah mi 1,678 (mipa 645 leh hmeichhia 1033) an awm mek a ni.

Kolasib district-a ziak leh chhiar thiam lote thiamtir nan hian Kolasib DC hmalaknain literacy drive ngawrh taka kalpui tum a ni a, hmalak mek a ni.