E&F-a thawkte'n inhlan tharna hun hmang

Environment & Forest department-a thawkte chuan nimin khan Tuikhuahtlang YMA Hall-ah kum 2016 atana inhlan tharna hun an hmang a, E&F minister Lalrinmawia Ralte-in a hmanpui.

Lalrinmawia Ralte chuan, department chakna hnár chu mipuite an nih thu sawiin, "Ṭang-ruala hna thawhho a pawimawh a, mi pakhat chauh pawhin thil tam tak a ti thei. Khawi hmunah pawh awm ila, ramngaw chereu tur vên kawngah leh thing leh mau humhalh kawngah mi tinin ṭan kan la thei vek a ni," a ti.

Kan thawhna hmun ṭheuhah hian a hma aia ṭha zawk leh hriat reng tlaka hna thawh a pawimawh tih sawiin E&F Minister chuan, hmasawnna tur leh hmalakna tur tam tak zing-ah hma tiam fel tak neia road-side plantation siamna kawngahte hma la ṭha turin thawktute a fuih a ni.

PCCF Lalram Thanga chuan, kum liam taah department-a thawkte thawhrimna zarah hmasawnna tam tak a awm tih sawiin, "Mizoram hmun hrang hranga khaw himna tur leh châk lakna reserve din thar leh a ṭul. Khua lo ṭhál leh mek-ah kângmei laka fihlîm theih nan department-a thawktu zawng zawngte nasa leh zuala ṭan lak a pawimawh," a ti.

Inhlan tharna hun hman zawhah PCCF conference hall-ah officer chinte tan techncal session neih a ni bawk.