Liverpool chuan Premier League-ah hma an hruai chhunzawm zel a, chelh rual an ni lo - Pathianni zan khan an mikhualna ramah West Ham chu 5-0 in an sawp a, Mohamed Salah chuan goal a khung bakah assist vawi hnih a nei tel.
Reds tan Salah bakah Luis Diaz, Cody Gakpo, Trent Alexander-Arnold leh Diogo Jota ten goal khat ṭheuh an khung a, Hammers-in a chhanletna tur an neih loh avangin Liverpool hmaah an zawr.
Liverpool-in hnehna an chan avangin Premier League table chung berah an dinhmun an sawh ngheh chhunzawm zel a, anmahni hnaih bertu Nottingham Forest aiin point riatin an sang zawk - match khatin an khel tlem bawk.
Khelh zat inangah Arsenal chu Liverpool hnaih ber an ni a, point kua laiin an la thlau thung - thil mak danglam tak a thleng a nih loh chuan Arne Slot leh a naute tan league nomawi chawi turin dinhmun a ṭha ta hle.
Liverpool forward Salah hming a lam rik loh theih loh - Egyptian forward hian tun season inelna hrang hrangah match 26 khelin goal 20 a khung tling ta a, assist vawi 17 ngawt a nei tawh bawk.
Premier League bikah match 18 khelin goal 17 a khung tling ta a, assist vawi 13 a nei - amah hnaih bertu, Manchester City striker Erling Haaland chuan goal 14 a khung tawh.
| # | Team | Pld | W | D | L | GF | GA | GD | Pts |
| 1 | Liverpool | 18 | 14 | 3 | 1 | 45 | 17 | 28 | 45 |
| 2 | Nottingham Forest | 19 | 11 | 4 | 4 | 26 | 19 | 7 | 37 |
| 3 | Arsenal | 18 | 10 | 6 | 2 | 35 | 16 | 19 | 36 |
| 4 | Chelsea | 18 | 10 | 5 | 3 | 38 | 21 | 17 | 35 |
| 5 | Manchester City | 19 | 9 | 4 | 6 | 32 | 26 | 6 | 31 |
| 6 | Bournemouth | 19 | 8 | 6 | 5 | 29 | 23 | 6 | 30 |
| 7 | Newcastle United | 18 | 8 | 5 | 5 | 30 | 21 | 9 | 29 |
| 8 | Fulham | 19 | 7 | 8 | 4 | 28 | 25 | 3 | 29 |
| 9 | Aston Villa | 18 | 8 | 4 | 6 | 26 | 29 | −3 | 28 |
| 10 | Brighton & Hove Albion | 18 | 6 | 8 | 4 | 27 | 26 | 1 | 26 |
| 11 | Tottenham Hotspur | 19 | 7 | 3 | 9 | 41 | 28 | 13 | 24 |
| 12 | Brentford | 18 | 7 | 3 | 8 | 32 | 32 | 0 | 24 |
| 13 | West Ham United | 19 | 6 | 5 | 8 | 23 | 35 | −12 | 23 |
| 14 | Manchester United | 18 | 6 | 4 | 8 | 21 | 24 | −3 | 22 |
| 15 | Crystal Palace | 19 | 4 | 8 | 7 | 20 | 27 | −7 | 20 |
| 16 | Everton | 18 | 3 | 8 | 7 | 15 | 24 | −9 | 17 |
| 17 | Wolverhampton Wanderers | 19 | 4 | 4 | 11 | 31 | 42 | −11 | 16 |
| 18 | Leicester City | 19 | 3 | 5 | 11 | 22 | 42 | −20 | 14 |
| 19 | Ipswich Town | 18 | 2 | 6 | 10 | 16 | 33 | −17 | 12 |
| 20 | Southampton | 19 | 1 | 3 | 15 | 12 | 39 | −27 | 6 |
