Sihphir Venghlun leh Bethlehem an chak

Aizawl DFA hnuaia First Division inelna round 3 chu Inrinni khan Lammualah khelh zawh a ni a, Sihphir Venghlunin 4-1 in Aizawl FC Academy an hneh. Inkhel dangah FC Bethlehemin 1st Bn MAP Academy chu 3-2 in an hneh bawk.

Sihphir Venghlun hian round 2-ah Bethlehem an hneh lo a, hemi ṭum hian buaina a chhuah avangin Sihphir Venghlun hi point khat paihsak an ni. Aizawl FC Academy an hneh ṭum hian Sihphir Venghlun hian player pawimawh JH Lianzuala chhawr thei lo mah se buaina an nei phah lo.

Aizawl DFA First Division-ah hian team 10 an awm a, vawi khat ṭheuh an inkhelh kual hnuah a sang paliin semifinal an khel dawn. Kanan FC-in hma an hruai mek a, chutihrualin Bethlehem VT FC, Mission Veng FC leh FC Bethlehem ten Kanan ang thoin point sarih vek an hmu tih hriat a ṭha.