MSN dahsangtu Thiago Alcantara

Bayern Munich mid-fielder Thiago Alcantara chuan Barcelona trio Lionel Messi, Luis Suarez leh Neymar (MSN)-te chu 2015 Ballon d'Or dawn phu ṭhiau an nih thu a sawi.

Messi leh Neymar hi 2015 Ballon d'Or top three-ah an lang a, Real Madrid thiampuipa Cristiano Ronaldo a lan ve bawk avangin Liverpool striker hlui Suarez a tan erawh hmun a awm ve lo.

Kum 2013-a Bar-celona aṭanga Bayern pantu Thiago chuan, "Tun dinhmunah chuan MSN hian 2015 Ballon d'Or top three-a lan vek an phu a ni. Football khawvel chanchina player pathum inkawp fuh ber ni turin theihna an nei a ni," a ti.

Thiago chuan Bayern Munich-ah a hlim rih thu sawi nghalin champion nomawi tam zawk chawi theih a inbeisei thu a sawi a, Nou Camp lama a kir dawn leh dawn loh chungchangah erawh a hmalam hun a sawi lawk theih loh thu a sawi.