Barcelona-in Napoli an sawp

August 16 zana Athletic Bilbao nena La Liga-a an match hmasa ber khel tur Barcelona-in an pre-season match hnuhnung berah 4-0 in Napoli an sawp a, La Liga hmachhawn turin an inpeih tawh tih an lantir. 

Barcelona hian Pathianni zing khan Napoli hi friendly match an khelhpui a, Luis Suarez chuan Catalan club tan hian goal hnih a khung. 

Atletico Madrid a chhuahsan hnua a vawi khat nan Antoine Griezmann chuan goal a khung ve bawk a, chhuak tur anga sawi awm reng Ousmane Dembele chuan goal khat a thawh ve bawk. 

Nipui transfer-a Barcelona player thawm nei na ber tia sawi ngam Philippe Coutinho chu bench aṭangin luhtir a ni a, Lionel Messi chu hliam vangin a inlan thei lo thung.



Share this Post

Login to comment
No Comments