Premier League nomawi beiseitu Giroud

Arsenal striker Olivier Giroud chuan Premier League nomawi chawi turin an squad chu an ṭhat tawk thu a sawi.

Gunners hian Inrinni khan Newcastle United chu 1-0 a hnehin Premier League table chung berah an in vawrh kai a, an hnuai chiaha awm Leicester City aia an sanna chu point hnih chiah a ni.

Kum 2003-04 season hnua league title chawi leh thei dinhmuna ding mek Arsenal hi champion tur khawp chuan squad an nei chhah tawk lo ni a sawi a ni a, mah se Giroud-a ngaihdan erawh a dang thung.

French striker chuan, "Player ṭha tak tak kan kawl nual a, bench-ah pawh player
ṭha tak tak hlir an ṭhu a ni. Player naupang, talent nei ṭha, inkhelh chak tak tak kan kawl nual a, buaina tur kan nei lo," a ti.

Arsenal striker rinrawl Giroud chuan sawi chhun-zawmin, "Player tawnhriat ngah tak tak Mathieu Flamini, Per Mertesacker, Petr Cech leh Laurent Koscielny-te kan kawl a, player naupang zawkte nen an thawhhona a ṭha em em bawk. Chuvangin kan squad hi kan
ṭha tawk a ni," tiin champion tur khawpa an ṭhat thu a sawi.