Thailand-a tour neia zin chhuak India Under 15 chuan match li an khelhah hnehna an chang vek a, Zirtawpni khan an match hnuhnung berah Assumption United FC chu 2-0 in an hneh.
India U15 tan Sridarth leh Shubho Paul te chuan goal khat ve ve an khung a, Thai club Assumption tan a chhanglet tur an awm lo.
Blue Tigers rawlthar rual hian match li an khelh aṭangin goal 17 ngawt an khung a, an lamah goal li chiah a lut thung.
Assumption lakah hian Lalthangliana chuan inkhel bul a ṭan a, ani bakah hian Mizo naupang Isac Zomuanpuia chu squad-ah hian a awm bawk.
August 21 aṭanga West Bengal-a neih tur SAFF Under 15 Championship-a inlan turin India hi an rawn haw nghal a, match hmasa berah Nepal an hmachhawn ang.
Login to comment
No Comments