MPL kaithar FC Venghnuai chuan NEXA Independence Day Celebration Football Tournament an vawi khat khelhnaah semifinal an lut. Champion lai Chhinga Vengin group B hmahruaitu ni chungin knockout stage an lut ve bawk.

Inrinni khan group match hnuhnung kharna chu Lammualah khelh niin FC Venghnuaiin 2016 I Day Football finalist Ramhlun North FC chu 1-0 in an hneh a, semifinal-ah Aizawl FC an bitum ang.

Inkhel dangah Chhinga Veng FC-in Chawnpui FC 2-1 in an lehthal. Season liam taa Chhinga Veng champion puitu Lalsangzuala Hmar enkawl Electric Veng FC nen final khel tur an zawng ang.

I Day Football semifinal hi August 13, Thawhlehniah khelh a ni ang a, final hi August 15, Ninganiah khelh tur a ni.

Thanga goal

FC Venghnuaiin Ramhlun North an hmachhawn hmain Chawnpui (4-3) leh Chhinga Veng (1-2) nen an inkhel a, Vanlalthlanga'n goal a khung ve ve. Ramhlun North nen pawh FC Venghnuai tan Hualngohmun tlangval Thanga'n goal awmchhun a khung.

Minute 39-naa Venghnuai goal awm chhun hian belhchian a dawl hle. Goal luh nan hian keeper RS Lallawmzuala aṭanga ball inpe ṭanin vawi 18 zet ball an inpe kual a, Ramhlun North lamin he mi chhung hian vawi khat chiah ball an khawih fuh.

Vawi 17 an in-pass-naah R. Lal-

ṭhapuia'n changin Ramhlun North defender kara Thanga tlan lut chu hmu fuhin halfway line aṭangin a vawrh lut a,  Thanga hian ṭha taka la thlain keeper rawn tlan chhuak chu mawi zetin a pet khum - a goal.

Ramhlun North tan semifinal lut turin chak ngei ngai mah se goal khungna hun ṭha an insiam thei lo. FC Venghnuai tlarhnung ṭum dang zawng aiin a phui a, Rindika Hmar hote a vawi khat nan an clean sheet bakah Thanga'n penalty a hlah avangin chak phu zawk an ni.

Valtea goal

Champion lai Chhinga Veng hi nomawi chawi thei ni mah se player 

ṭhahnem tak an chhuah avangin champion tur chuan rin an harsa a, chutihrualin an group awmna a fuh avangin semifinal lut ngei tura ngaih an ni.

Chhingcows hian match hmasa pahnihah goal an khung hmasa ve ve a, Chawnpui nen erawh goal an chhuah hmasak avangin tla thei dinhmunah an ding.

Chawnpui tan Vanlalthlamuana'n minute 38-naah a khung a, HC Zarzoliana hote hi chak se head to head hmangin semifinal an lut dawn. Amaherawhchu Chhingcows insiamṭha vatin Ṭhasiama hmangin first half hun pek belhah an si phurh an sût.

Second half-ah Chawnpui beiseina titawp turin Chhingcows midfielder K. Lalnunzama (Valtea) chuan hla tak 

aṭangin mar ṭha zetin a pet goal a, Zawlsei tlangval hian a club thar tana a goal hmasa ber a khung. 

MPL best midfielder nominee-ah pawh tel tawh Valtea hian MPL ṭan hmain coach Zara zui tumin Chawnpui a zawm hman ṭep a, amaherawhchu thutlukna thlak lehin Chhinga Veng tan malsawmna niin Chawnpui tan chânna a ni thung.

Semifinal - August 13, Thawhlehni

Aizawl FC2:00 PMFC Venghnuai

Chhinga Veng FC6:00 PMElectric Veng FC

Final - August 15, Ningani

Group B 

August 6, Thawhlehni

Ramhlun North FC2 - 2Chhinga Veng FC

RNFC : M. Lalrintluanga 50'; Lalthankhuma 80'

CVFC : Lalsawmzela 21'; MC Malsawmzuala 43'

FC Venghnuai4 - 3Chawnpui FC

FCV : Vanlalthanga 34'; Isak Vanlalpeka 63'; HK Lalhruaitluanga 68'; Vanlallawma 70'

CFC : Lalthanmawia Renthlei 77', 89'; Crespo Vanlalhriatpuia 80'

August 8, Ningani

Chawnpui FC2 - 2Ramhlun North FC

CPFC : Moody Lalawmpuia 42', Lalthanmawia Ralte 90+2'(P)

RNFC : Jessy Vanlalmuana 5', Lalmawizuala 59'

Chhinga Veng FC2 - 1FC Venghnuai

CVFC : KC Larchhuakmawia 14'; Sylvana R.Lalruatkima 16'

FCV : Vanlalthanga 23' (p)

August 10, Inrinni 

Ramhlun North FC0  - 1FC Venghnuai

FCV : Vanlalthanga 39'

Chhinga Veng FC2 - 1Chawnpui FC

CVFC : Ṭhasiama 45+1'; K. Lalnunzama 77'

CFC : Vanlalthlamuana 38'

#TeamPldWDLGFGAGDPts

1Chhinga Veng FC32106427

2FC Venghnuai32016516

3Ramhlun North 302145-12

4Chawnpui FC301268-21

Share this Post