Rajnath-an state sorkar a ngaihthah - Tarun Gogoi

Assam Chief Minister Tarun Gogi chuan an state tlawhtu, Union Home Minister Rajnath Singh chu state sorkar ngaithahah a puh.

Offiical statement a tihchhuah hemi chung-chang hi CM Gogoi chuan a sawilang a, "Union Home Minister-in Indo-Bangla international border a tlawh chu thil lawmawm tak a ni. Mahse hemi chungchangah state sorkar a rawn lo leh, state sorkarin a ngen chunga state aiawhte a hruai tello chu sorkar laipui leh state sorkarte thawhhona palzutna a ni a, NDA sorkarin Team India tia a chawilar ngaihthahna a ni" a ti.

Gogoi chuan ramri venhim kawngah state sorkar chuan chanvo pawimawh tak a nei a, hei vang hian ramri tlawh hian nghawng
ṭha zawk a neihna tur chuan state sorkar thu pawh ngaih pawimawh a ngai tih a sawi.
"Hun rei tak politics ka lo khelh ve tawh chinah, hetianga state sorkar ngaih pawimawh loh a nih hi ka la tawng ngai lo" tiin Gogoi chuan a sawi.

State chhunga dan leh thupek kenkawh chu mi tu pawhin state sorkar mawhphurhna a ni tih an hriat a ni a ti a, hemi rua hian ramri kaltlanga dan loa India rama lutte ven kawngah state sorkar cuan central security agency-te chu theihtawpin a thawhpui zel dawn a ni, a ti.

Rajnath Singh hian Pathianni khan India-Bangladesh border-a Karimganj sector a tlawh a, ramri him lo zuallaite chu kum 2016 chuan khar an nih tur thu a sawi. Singh hi Union Minister of State for Sports and Youth Affairs Sarbananda Sonowal bakah BJP hruaitute an zui a, All Assam Students Union (AASU) hruaituten an ṭawiawm bawk. Thawhṭanni khan AASU hruaitute nen Dubri sector an tlawh leh a ni.